ناگہانی آفات کامقابلہ انسانی ہمدردی ،آپس کے تعاون اورربط کےذریعے ممکن ہے، میاں افتخار حسین
انسانی جانوں کے ضیاع کا کوئی نعم البدل نہیں البتہ غمزدہ خاندانوں کے ساتھ اظہاریکجہتی وہمدردی انسانی وسیلہ ہے
بلوچستان حکومت کی جانب سے ضلع ہرنائی کوآفت زدہ قراردینا خوش آئندہے
ریاست مدینہ کے دعویداروں نے ہرنائی زلزلہ متاثرین کو بے یار ومددگار چھوڑ دیا ہے
وفاقی حکومت کی جانب سے زلزلہ متاثرین کو اس مشکل وقت میں تنہا چھوڑنا قابل مذمت ہے
وزیراعظم اور وفاقی وزراء کی زبانی جمع خرچ سے متاثرین کی تکالیف کا ازالہ ممکن نہیں
وفاقی حکومت اور متعلقہ ادارے آگے بڑھیں اور متاثرین کو ہرممکن سہولیات کی فراہمی یقینی بنائے
اے این پی کے ذمہ داران اورخدائی خدمتگار تنظیم کےرضاکاردکھی انسانیت کی خدمت جاری رکھیں گے
باچاخان بابا کی شروع کردہ خدائی خدمتگارتحریک کی اساس انسانیت کی خدمت ہے
پارٹی کارکنان اورذمہ داران متاثرین کی ہرممکن مدد کیلئے تیار ہیں اور متاثرین کی بحالی میں بھرپور کردار ادا کریں گے
تقریب میں خدائی خدمتگار تنظيم کی جانب سے زلزلہ زدگان کیلئے دس لاکھ روپیہ کا چیک بھی پارٹی ذمہ داران کے حوالے کیاگیا
ہرنائی(پ ر)عوامی نیشنل پارٹی کےسیکرٹری جنرل وخدائی خدمتگارتنظیم کے چیئرمین میاں افتخار حسین نے کہا ہے کہ ناگہانی آفات کامقابلہ انسانی ہمدردی ،آپس کے تعاون اورربط کےذریعے ممکن ہے۔ انسانی جانوں کے ضیاع کا کوئی نعم البدل نہیں البتہ غمزدہ خاندانوں کے ساتھ اظہاریکجہتی وہمدردی انسانی وسیلہ ہے۔ بلوچستان حکومت کی جانب سے ضلع ہرنائی کوآفت زدہ قراردینا خوش آئندہے۔ اے این پی کے پارلیمانی پارٹی کی جانب سے ہرنائی ضلع کوآفت زدہ قراردینے کیلئے مسلسل کاوشیں غمزدہ عوام کیساتھ ہمدردی کامظہر ہے ۔ ہرنائی میں زلزلہ متاثرین سے خطاب کرتے ہوئے میاں افتخار حسین نے کہا کہ ریاست مدینہ کے دعویداروں نے ہرنائی زلزلہ متاثرین کو بے یار ومددگار چھوڑ دیا ہے۔ وفاقی حکومت کی جانب سے زلزلہ متاثرین کو اس مشکل وقت میں تنہا چھوڑنا قابل مذمت ہے۔وزیراعظم اور وفاقی وزراء کی زبانی جمع خرچ سے متاثرین کی تکالیف کا ازالہ ممکن نہیں۔وفاقی حکومت اور متعلقہ ادارے آگے بڑھے اور متاثرین کو ہرممکن سہولیات کی فراہمی یقینی بنائے۔اے این پی کے ذمہ داران اورخدائی خدمتگار تنظیم کےرضاکاردکھی انسانیت کی بلاغرض خدمت اورکاوشیں جاری رکھیں گے۔ انہوں نے کہا کہ باچاخان بابا کی شروع کردہ خدائی خدمتگارتحریک کی اساس انسانیت کی خدمت ہے ۔اللہ تعالیٰ کی خدمت اللہ کے بندوں کی خدمت سے عبارت ہے لہذا پارٹی کارکنان اورخدائی خدمت گار تنظیم اپنی ان کوششوں کو تیزترکردیں یہی درس انسانیت ہے۔ پارٹی کارکنان اورذمہ داران متاثرین کی ہرممکن مدد کیلئے تیار رہیں۔ انہوں نے مخیر حضرات سے بھی متاثرین کی مدد کیلئے آگے بڑھنے کی اپیل کی۔ اس موقع پرشہداکے ایصال ثواب کیلئے دعا کی گئی اور خدائی خدمتگار آرگنائزیشن کی جانب سے زلزلہ زدگان کیلئے دس لاکھ روپیہ کا چیک بھی پارٹی ذمہ داران کے حوالے کیاگیا۔ اس موقع پرضلع ہرنائی کیلئےخدائی خدمتگار تنظیم کے ذمہ داران کا بھی اعلان کیاگیااور موزک خان ترین کو ضلعی سالار ،سیدسلطان شاہ کو ڈپٹی سالار اور زرکینہ بی بی کورکن مقررکیا گیا۔ تقریب سے اے این پی بلوچستان کے صدر وصوبائی پارلیمانی لیڈراصغر خان اچکزئی، خدائی خدمتگار تنظیم کے سالار اعظم ڈاکٹر شمس الحق، ضلعی صدرولی داد میانی اور صوبائی سالار اعلی شاجہان آغا نے بھی خطاب کیا۔قبل ازیں میاں افتخارحسین، اصغرخان اچکزئی، مابت کاکا،ڈاکٹر شمس الحق، رشید ناصر،ولی دادمیانی، حاجی انورشاہ، جاویدکاکڑ، انجنئیر رسدخان، شاجہان آغا، ڈاکٹر نعمان الحق، کامران ترین، عبدالمالک جدون، ملک سلطان ترین، ملک ظریف ترین،سیدیوسف شاہ، ملک زمان ترین اور دیگر نے ہرنائی کے زلزلہ سے متاثرہ علاقوں کا دورہ بھی کیا اور مختلف مقامات پر زلزلہ میں شہید ہونیوالوں کے لواحقین سے تعزیت اور فاتحہ خوانی کی۔