مورخہ 11 اگست 2010ءبروز بدھ
پریس ریلیز

پشاور (پ ر) عوامی نیشنل پارٹی کے صوبائی صدر اور سفیر برائے امن سینیٹر افراسیاب
خٹک نے اے این پی صوبہ خیبر پختون خوا کے تمام ضلعی تنظیموں، پارٹی ورکروں کو ہدایت
کی ہے اور صوبے کے تمام محب وطن عوام سے اپیل کی ہے کہ رمضان المبارک کے بابرکت
مہینے کو انتہائی سادگی سے منائے اور کسی قسم کی افطار پارٹیوں کا انعقاد نہ
کریں۔
اُنہوں نے کہا کہ خیبر پختون خوا میں حالیہ سیلابوں سے متاثرہ خاندانوں کی دل کھول
کر ہر قسم کی مدد کی جائے اور مصیبت کی اس گھڑی میں متاثرین سیلاب سے یکجہتی کا
اظہار کرتے ہوئے ان کو سینے سے لگائیں اور انسانی ہمدردی کی بناء پر ان کی خدمت اور
مدد کا فریضہ بطریق احسن نبھائیں۔
عوامی نیشنل پارٹی کے صوبائی سربراہ نے تمام این جی اوز، سول سوسائٹی‘ بین الاقوامی
اداروں اور مخیر حضرات سے اپیل کی ہے کہ وہ آگے
بڑھیں اور سیلاب زدہ خاندانوں کی
مشکلات کم کرنے کےلئے بھرپور اور موثر کردار ادا
کریں۔

جاری کردہ

ارباب محمد طاہر خان خلیل
صوبائی سیکرٹری اطلاعات اے این پی
خیبر پختون خوا