اسفندیار ولی خان کا شاہ حسین سنگین کی وفات پر اظہار تعزیت

پشاور ( پ ر ) عوامی نیشنل پارٹی کے مرکزی صدر اسفندیار ولی خان نے نیشنل یوتھ آرگنائزیشن چارسدہ کے صدر شاہ حسین سنگین کی ناگہانی موت پر رنج و غم کا اظہار کرتے ہوئے غمزدہ خاندان کے ساتھ دلی تعزیت کی ہے ، اپنے ایک تعزیتی بیان میں انہوں نے کہا کہ سنگین مرحوم پختون ایس ایف اور این وائی او کا قیمتی سرمایہ تھے اور ان کی خدمات کسی سے ڈھکی چھپی نہیں ہیں ، اسفندیار ولی خان نے کہا کہ ناگہانی آفات اللہ تعالی کی جانب سے امتحان ہیں اور انسان کے پاس سوا صبر کے سوا کوئی چارہ نہیں ، انہوں نے مرحوم کو خراج عقیدت پیش کیا اور کہا کہ اے این پی غمزدہ خاندان کے غم مینں برابر کی شریک ہے ، انہوں نے مرحوم کی مغفرت اور لواحقین کے صبر جمیل کیلئے دعا کی۔