عوامی نیشنل پارٹی کی بار انتخابات میں ملگری وکیلان کو کامیابی پر مبارکباد

پشاور ( پ ر ) عوامی نیشنل پارٹی کے صوبائی صدر امیر حیدر خان ہوتی اور جنرل سیکرٹری سردار حسین بابک نے پشاور بار کے انتخابات میں ملگری وکیلان کی کامیابی پر انہیں مبارکباد دی ہے ، اپنے تہنیتی بیان میں پارٹی رہنماؤں نے نو منتخب صدر وکیل زمان خٹک کو مبارکباد دیتے ہوئے کہا کہ نو منتخب کابینہ غیر جانبدارانہ وکالت پر یقین رکھتے ہوئے ماضی کی طرح مستقبل میں بھی ملک میں قیام امن کے اپنے مقاصد کو جاری رکھے گی، پارٹی رہنماؤں نے کہا کہ غیر جانبدارانہ وکالت قوم کی صحیح ترجمانی کرتی ہے اور حق و باطل کی جنگ میں وکلاء برادری نے ہمیشہ حق کا ساتھ دیا ہے اور ان کی قربانیاں رائیگاں نہیں جائینگی،انہوں نے کہا کہ عوامی نیشنل پارٹی نے ہر فورم پر وکلاء برادری کے جائز حقوق دلانے میں اہم کردار ادا کیا ہے اور مستقبل میں بھی پارٹی اس مشن پر کاربند رہے گی۔انہوں نے کہا کہ ان کی کا میا بی وکلاء برادری کی کا میا بی کی ضمانت ہے ، پارٹی رہنماؤں نے اس امید کا اظہار کیا کہ وہ ہر فورم پر انسانی حقوق اور انصاف کی فراہمی کی اپنی جدوجہد جا ری رکھیں گے اور اپنے پلیٹ فارم سے جمہوری اقدار اورانسانی حقوق کے تحفظ کے لئے اپنی کوششیں جا ری رکھیں گے ۔